काठमाडौंं । राष्ट्रिय स्वतन्त्र पार्टी (रास्वपा) ले रूपन्देही ३ मा हुन लागेको उपनिर्वाचनमा उम्मेदवार हुन आवेदन दिएका ९ जना आकांक्षी सँग सामूहिक छलफल गरेको छ । रास्वपाले प्राइमरी इलेक्सनका लागि साउन ७ गतेदेखि २१ गतेसम्म आवदेन माग गरेको थियो ।
कात्तिक १७ गते हुने उपनिर्वाचनका लागि रूपन्देही ३ मा सुलभ खरेल, पार्थिवेन्द्र उपाध्याय, डा.लेखजंग थापा, ज्ञानु पौड्याल, जितबहादुर गुप्ता, कुसुम महर्जन, रचना क्षेत्री, पुनम अग्रवाल र मधुप्रसाद अर्यालले उम्मेदवार हुन आकांक्षा राख्दै आवेदन दिएका छन् ।
पार्टी केन्द्रीय कार्यालय चस्मतिमा भै रहेको छलफललाई सहमहामन्त्री विपिनकुमार आचार्यले सहजिकरण गर्नुभएको छ । छलफलमा कोषाध्यक्ष लिमा अधिकारी, लुम्बिनी प्रदेश सभापति देवराज पाठक समेत सहभागी हुनुहुन्छ ।
