काठमाडौँ । रुपन्देहीको सिद्धार्थनगर नगरपालिका–५ मैत्रीपथस्थित मार्गदर्शन बहुउद्देश्यीय सहकारीको रकम अपचलन गरेको आरोपमा अध्यक्ष अशोक केसी पक्राउ परेका छन् ।
बचतकर्ताको ५ करोड ९० लाख ८४ हजार १६५ रुपैयाँ अपचलन गरेको आरोपमा केसी भक्तपुरबाट पक्राउ परेका हुन् ।
दोलखाको मेलुङ गाउँपालिक–६ घर भएका ३४ वर्षीय केसीमाथि २० वैशाख २०८१ मा पक्राउ पुर्जी जारी भएको थियो । पक्राउ पुर्जी जारी भएपछि उनी फरार रहेका थिए ।
उनलाई भक्तपुरबाट पक्राउ गरी रुपन्देही ल्याइएको जिल्ला प्रहरी कार्यालय रुपन्देहीका प्रवक्ता गणेश सापकोटाले बताए ।
