काठमाडौँ । दैलेखको दुल्लु नगरपालिकामा शनिबार मृत्यु भएका एकजना युवाको परीक्षणका क्रममा कोरोना पोजेटिभ देखिएको छ । उनी दुल्लस्थित क्वारेन्टिनमा बसेका थिए । उनको कोरोना भाइरसको परीक्षण गर्दा रिपोर्ट पोजेटिभ आएको सामाजिक विकास मन्त्रालयको स्वास्थ्य महाशाखा प्रमुख डा. लक्ष्मी नारायण तिवारीले पुष्टि गरेका हुन्। योसँगै नेपालमा कोरोना भाइरस संक्रमणले मृत्यु हुनेको संख्या सात पुगेको छ।
तीन युवकको स्वाब कर्णाली स्वास्थ्य विज्ञान प्रतिष्ठान जुम्लामा गरिएको थियो। दुल्लु नगरपालिका–११ का ३५ वर्षीय उनको दुल्लु नगरपालिका–७ मा रहेको क्वारेन्टिनमा मृत्यु भएको हो। उनी भारतबाट फर्किएका हुन् । दश दिनयता देखि क्वारेन्टिनमा बसिरहेका उनको शनिबार बिहान मृत्यु भएको हो । स्वास्थ्य मन्त्रालयले भने
यस विषयमा आधिकारिक जानकारी दिएको छैन।
