काठमाडौँ । अमेरिकाबाट थप १९ जना नेपाली डिपोर्ट भएका छन् ।
२५ जेठमा ३७ नेपाली डिपोर्ट भएर आएयता नियमित जसो एक–दुई जना नेपाली डिपोर्ट भएर आइरहेको अध्यागमन विभागले जनाएको छ ।
अहिले नियमित जसो एक–दुई जना नेपाली नियमित उडानमार्फत फर्किइरहेका हुन् ।
त्यसपछिको अवधिमा १९ जना डिपोर्ट भएर आइसकेको विवरण विभागसँग छ ।
अमेरिकी राष्ट्रपतिमा डोनाल्ड ट्रम्प निर्वाचित भएसँगै त्यहाँको प्रशासनले कडा अध्यागमन नीति ल्याएको थियो । त्यसपछि सामान्य कसुरमा पक्राउ परेका केही व्यक्ति पनि डिपोर्ट भएका छन् ।
नेपाल आएका अधिकांश चाहिँ तल्लो बाटो हुँदै अवैध रुपमा अमेरिका प्रवेश गर्न खोज्नेहरु छन् । ट्रम्प निर्वाचित भएयता मात्र अमेरिकाबाट डिपोर्ट हुनेको संख्या १९७ पुगिसकेको छ ।
