काठमाडौँ । नेपाली कांग्रेसले पूर्वमन्त्री कुमार खड्कालाई पार्टीको साधारण सदस्यसमेत नरहने गरी निष्काषित गरेको छ ।
२०७९ को प्रतिनिधिसभा तथा प्रदेश सभा चुनावमा पार्टीका उम्मेदवारलाई असहयोग गरेको आरोपमा उनीमाथि कारबाही गरिएको हो ।
कास्की–२ (२) मा कांग्रेसका प्रदेशसभा सदस्य उम्मेदवार विन्दुकुमार थापालाई असयोग गरेको उनीमाथि आरोप थियो ।
गण्डकीका सांसद एवं पूर्वमन्त्री विन्दुकुमार थापाले उनीविरुद्ध उजुरी गरेका थिए । खड्का गण्डकीमा सरकार गठन भएकै दिन मन्त्री भएका थिए भने थापा ८ साउनमा मन्त्री बने ।
केन्द्रीय अनुसन्धान आयोगले सोधेको स्पष्टीकरणको चित्तबुझ्दो जवाफ नदिएको कारण पार्टीको साधारण सदस्यबाटै हटाएको अनुशासन आयोगले जनाएको छ ।
