काठमाण्डौ । सरकारले अस्ट्रेलियाबाट नेपालीलाई स्वदेश फिर्ता ल्याउने भनेको पहिलो उडान तालिका एक हप्ता पछि सरेको छ ।
बुधबार नेपाल एअरलाइन्सले अस्ट्रेलियामा समस्यामा परेका नेपाली ल्याउन उडान भर्ने भनिए पनि प्राविधिक कारणले समयमै उडान सम्भव नहुँदा पछि सारिएको त्यहाँ रहेका नेपाली दूतावासले जनाएको छ । दूतावासले अब आउँदो जनु २३ तारिखमा अस्ट्रेलियाको सिड्नीबाट पहिलो चार्टर्ड उडान हुनेछ ।
यस्तै नेपाल एअरलाइन्सकै दोस्रो उडान जुन २६ तारिखमा मेलबर्नबाट हुनेछ । जुन २ तारिखसम्म दूतावासमा फारम भरेका नेपालीहरुलाई प्राथमिकताको आधारमा स्वदेश पठाउने दूतावासको तयारी छ । पहिलो सूचीमा परेकालाई इमेलमार्फत जानकारी गराइएको दूतावासले जनाएको छ ।