काठमाडौं । सरकारले भिजिट भिसा प्रकरणको छानबिन गर्न पूर्वमुख्यसचिव शंकरदास वैरागीको नेतृत्वमा समिति गठन गरेको छ ।
मन्त्रिपरिषद्को आज साँझ बसेको बैठकले वैरागीको नेतृत्वमा समिति गठन गर्ने निर्णय गरेको हो ।
छानबिन समितिका सदस्यहरु सम्बन्धित मन्त्रालयका सहसचविहरू हुने बताइएको छ ।
समितिलाई ३० दिनको समय दिइएको छ ।
भिजिट भिसा प्रकरणमा छानबिन समिति गठनको माग गर्दै विपक्षी रास्वपाले संसद्मा अवरोध गर्दै आएको छ ।
यसअघि सत्तारुढ दल र प्रमुख प्रतिपक्षी दल नेकपा माओवादी केन्द्रबीच छानबिन समिति गठन गर्ने सहमति भएको थियो ।
