काठमाडौं । नेकपा अध्यक्ष तथा प्रधानमन्त्री केपी ओली र अर्का अध्यक्ष पुष्पकमल दाहाल प्रचण्ड बीच बालुवाटारमा राजनीतिक गतिराेधकाे सम्भावित निकासका बारेमा छलफल भै रहेको छ । मध्याह्नदेखि सुरु भएको छलफलमा महासचिव विष्णु पौडेल र स्थायी समिति सदस्य जनार्दन शर्मा पनि सहभागी हुनुहुन्छ ।
छलफलमा २०७६ साल मंसीर ४ गते भएको सहमतिलाई दुबै पक्षले पूर्ण रुपमा पालना गर्ने, हाल देखिएको गतिरोधलाई मथ्थर बनाउँदै शीर्ष नेताहरुबीच विश्वासको वातावरण बनाउने र अन्य नेता तथा मन्त्रीहरुको जिम्मेवारी हेरफेर गर्ने विषयमा छलफल केन्द्रित रहेको स्राेतले जनाएको छ ।
सरकार र पार्टी फरक हुन् भन्ने मानसिकता त्याग्दै सरकारले गर्ने काम कारबाहीका बारेमा पार्टीमा छलफल गर्ने र अपनत्व लिने बारेमा पनि छलफल हुने जनाइएको छ । यी विषय समेटर मंसीर ४ गते सहमति भएपनि पूर्णरुपमा पालना नभएपछि नेताहरूमा अविश्वास बढेकाे छ ।
