काठमाडौं । गणतन्त्र दिवसलाई उत्सवको रूपमा मनाउन काठमाडौंका विभिन्न ठाउँबाट एमालेको र्याली सुरू भएको छ ।
बागबजार, पुतलीसडक, भृकुटीमण्डप, सुन्धारा, टेकु र त्रिपुरेश्वरमा जम्मा भएर उनीहरू आ-आफ्नो भेषभूषा, सांस्कृतिक झाँकी, र्यालीसहित प्रदर्शनीमार्गस्थित भृकुटीमण्डपतर्फ जादैछन् ।
प्रदर्शनको क्रममा उनीहरुले गणतन्त्र जिन्दावाद, गणतन्त्रको रक्षा गरौँ, संघीय लोकतान्त्रिक गणतन्त्र जिन्दवादजस्ता नारा लगाइएको छ ।
भृकुटीमण्डपबाट बृहत् र्याली रत्नपार्कमा पुगेर सम्बोधन गरेपछि उत्सव समापन हुने एमाले प्रचार तथा प्रकाशन विभागले जनाएको छ ।्
एमालेको कार्यक्रम सकिएलगत्तै राजसंस्था पुनर्स्थापनाको मागसहित राजावादीहरुले २ बजेपछि प्रदर्शन गर्ने तयारी गरेका छन् ।
प्रदर्शनको क्रममा सवारी आवागमनको व्यवस्था मिलाउन झण्डै ८ सय ट्राफिक प्रहरी परिचालन गरिएको छ । साथै, प्रदर्शनको क्रममा कुनै अप्रिय घटना नहोस् र निषेधित क्षेत्रमा प्रवेश नहोस् भनेर त्यसै अनुसारको सुरक्षा योजना बनाएर सुरक्षा जनशक्ति परिचालन गरिएको काठमाडौंका सहायक प्रमुख जिल्ला अधिकारी अशोक कुमार भण्डारीले जानकारी दिए ।
