काठमाडौँ । अमेरिकी सरकारले विदेशी विद्यार्थीहरूको लागि नयाँ भिसा अन्तर्वार्तामा प्रतिबन्ध लगाएको छ ।
विदेशमन्त्री मार्को रुबियोले मंगलबार यस सम्बन्धमा एक आदेश जारी गरे । यो आदेशको उद्देश्य देशका विश्वविद्यालयहरूमा यहूदी विरोधी र वामपन्थी विचारहरूलाई रोक्नु रहेको बताइएको छ ।
ट्रम्प प्रशासनले अमेरिका आउने विद्यार्थीहरूको सामाजिक सञ्जाल प्रोफाइलको छानबिन कडा बनाउने भएकोले रुबियोले विश्वभरका अमेरिकी दूतावासहरूलाई विद्यार्थी भिसाका लागि नयाँ अन्तर्वार्ताको तालिका नबनाउन आदेश जारी गरेका छन् ।
उनले भने – ‘तत्काल कन्सुलर शाखाले अर्को निर्देशिका जारी नभएसम्म विद्यार्थी वा एक्सचेन्ज भिजिटर (एफ, एम र जे) भिसाका लागि नयाँ नियुक्तिहरूलाई अनुमति दिनु हुँदैन ।’
यद्यपि, पहिले नै निर्धारित अन्तर्वार्ताहरू हुन सक्छन्, तर नयाँ अपोन्टमेन्ट नहुने भएको छ ।
