सियान: राष्ट्रिय सभाका पूर्व अध्यक्ष गणेश प्रसाद तिमिल्सिनाले सिल्करोड फोरमले नेपाललाई भौतिक र प्रविधिको बिकासबाट आर्थिक रुपमा सशक्त बनाउन मद्दत गर्ने धारणा ब्यक्त गर्नुभएको छ ।
चीनको सियान शहरमा भैरहेको सिल्करोड फोरमको छैठौ श्रृङ्गखलाई बिहीबार सम्बोधन गर्दै पूर्व अध्यक्ष तिमिल्सिनाले सिल्क रोड फोरमले आधारभूत संरचना , व्यापार , निवेश , संस्कृति र डिजिटल कनेक्टिभिटी जस्ता क्षेत्रहरुमा सहकार्य लाई प्रोत्साहन गर्ने भएकाले नेपालले भौतिक र प्रविधिको बिकासबाट आर्थिक रुपमा सशक्त बनाउन मद्दत गर्ने धारणा ब्यक्त गर्नुभएको हो ।
‘बिआरआईको सहयोगमा नेपालले आफ्नो भौगोलिक अवस्थालाई अवसरमा परिणत गर्न सक्छ । यसका लागि नेपाल सरकारको दृढ इच्छाशक्ति , पारदर्शिता र दिर्घकालिन योजना हुनुपर्छ।’ उहाँले भन्नुभयो, ‘चीनसंग बढ्दो कनेक्टिभिटीले नेपाली उत्पादनहरुको बजार बिस्तार र पहुचमा मद्दत पुग्दछ भने नेपालको पर्यटन बिकास र प्रवर्द्धनमा सिल्करोडले अन्तर्राष्ट्रिय पर्यटक प्रवाहमा जोड्न सक्छ।’
उहाँले नेपालले दक्षिण एशिया र मध्य एशियासंग आफ्नो सहकार्य लाई गुणात्मक रुपले बढाउन सिल्करोड फोरमले सहयोग गर्ने बताउँदै नेपालले आफ्नो भौगोलिक अवस्थालाई अवसरमा परिणत गर्न नेपाल सरकारको दृढ इच्छाशक्ति , पारदर्शिता र दिर्घकालिन योजना बनाउन जरुरी छ भन्नुभयो ।
पूर्व अध्यक्ष तिमिल्सिनाले चीनले सिल्क रोड फोरमको महत्त्वपूर्ण प्लेटफर्म मार्फत बेल्ट एण्ड रोड अन्तर्राष्ट्रिय सहयोगका नयाँ अवशरहरु, नयाँ उपलब्धी र नयाँ ढाँचाहरु विश्वलाई प्रस्तुत गरेको चर्चा गर्दै त्यसले फोरममा आबद्ध देशहरुमा नीतिगत सञ्चार सुविधा , अन्तरसम्बन्ध , ब्यापार , वित्त पोषण र जनता जनतन विच सञ्चारको गहन एकीकरण र समन्वित विकास लाई प्रभावकारी रुपमा प्रवर्द्धन गरेको गरेको बताउनुभयो । उहाँले फोरमले बेल्ट एण्ड रोड देशहरु बिच आपूर्ति शृङ्खला र औद्योगिक शृङ्खला एकीकरणलाई गहिरो गरि प्रवर्द्धन गर्नमा केन्द्रित हुनेछ र सांस्कृतिक आदानप्रदान , आर्थिक , व्यापार सहयोग , बिज्ञान प्रविधि र शिक्षाको लागि एक व्यापक अन्तर्राष्ट्रिय सहयोग प्लेटफर्म निर्माण गर्न अधिकतम् प्रयास गर्ने विश्वास पनि ब्यक्त गर्नुभयो ।
