काठमाडौं । चन्द्रागिरि हिल्स लिमिटेड ट्रेड युनियनको अध्यक्षमा हिक्मत रावल निर्वाचित भएका छन् । आज सम्पन्न भएको निर्वाचनमा नेपाल एकीकृत होटल व्यवसायी तथा रेस्टुरेन्ट मजदुर यूनियन ७३ मतसहित विजयी भएको निर्वाचन अधिकृतको कार्यालयले जनाएको छ ।
निर्वाचनमा तीन वटा ट्रेड युनियनले प्रतिस्पर्धा गरेका थिए। अखिल नेपाल होटल, व्यवसायी तथा रेस्टुरेन्ट मजदुर संघले ३० मत प्राप्त गरेको छ भने नेपाल पर्यटन तथा होटल सम्बद्ध श्रमिक संघले ३३ मत प्राप्त गरे ।
निर्वाचन अधिकृत बिबेक यादबका अनुसार कुल १४० मतदातामध्ये १३६ जनाले मतदान गरेका थिए।
नेपाल एकीकृत होटल व्यवसायी तथा रेस्टुरेन्ट मजदुर यूनियन नेकपा एकिकृत समाजबादी (नेकपा एस)आवद्ध मजदुर संगठन हो । आजै चन्द्रागिरी पुग्नु भएका नेकपा एसका अध्यक्ष माधब कुमार नेपालले बिजयी टोलीलाई शुभकामना दिनु भएको छ ।
