काठमाडौँ । नेपाली काँग्रेसका नेता कृष्णप्रसाद सिटौलाले गैरआवासीय नेपालीलाई नेपालसँग थप मजबुत सम्बन्ध विकास गर्न आवश्यक कानून निर्माणका लागि सुझाव माग गर्नुभएको छ ।
नेपाली काँग्रेस जनसम्पर्क समितिले बिहीवार पार्टी केन्द्रिय कार्यालय सानेपामा आयोजना गरेको कार्यक्रममा बोल्दै उहाँले गैरआवसीय नेपालीसँग सुझाव माग गर्नुभएको हो । उहाँले गैरआवसीय नेपालीको सुझाव अनुसार नेपालसँग जोड्न सजिलो हुनेगरी कानून निर्माण गर्न सहयोग गर्ने बताउनु भयो । उहाँले नयाँ संविधान गैरआवासीय नेपालीको चिन्ता र चासो समेटिएको बताउनु भयो । थप सहजताका लागि सरकारले संसदमार्फत गैरआवासीय नेपालीको सम्बोधन गर्न आवश्यक काम गरिरहेको उहाँको भनाइ छ ।
उहाँले भन्नुभयो, ‘चाहे खाडी मुलुकमा गएर मजदुरी गर्ने मानिसहरु हुन् चाहे अष्ट्रेलियातिर गएर ठुलो व्यापार गर्नेहरु हुन् चाहे जापान, अमेरिका, युरोपतिर पुगेका साथीहरु हुन् एउटा कम सोच छ त्यो हो नेपाल राम्रो बनोस्, सफल बनोस्, नेपालले छिट्टै समृद्धि प्राप्त गर्न सफल होस् भन्ने सोच छ । त्यसका बाहिर जाने सबै साथीहरुलाई जोड्नु पर्छ भन्ने विचार संविधान निर्माण गर्ने बेलामा संविधान सभामा उठेको थियो । त्यसैले एनआरएनले त्यसबेला दिएको कन्सर्नलाई हामीले संविधानमा सम्बोधन गर्ने प्रयास ग¥यौँ । अहिले त्योसँग जोडिएका कानून ल्याएर पनि अझै राम्रोसँग जोड्ने प्रयास सरकारले संसदले गरिरहेको छ । यी समग्र विषयमा तपाईहरुले बुँदागत रुपमा सुझाव दिनुभयो भने हामी त्यसलाई अगाडि बढाउने प्रयास गर्नेछौँ ।’
नेता सिटौलाले नेपालबाट जनुसुकै देशमा पुगेका नेपाली भएपनि नेपालको समृद्धि होस् भन्ने सबैको साझा सोच रहेको बताउनु भयो । –न्यु
