काठमाडौं । जनता समाजवादी पार्टी (जसपा) नेपालकी केन्द्रीय नेता डा बबी सिंह यादवले पेस्तोल पड्काउँदै नाचेको भिडिओ सामाजिक सञ्जालमा भाइरल भईरहेको छ ।
पूर्वमन्त्री तथा राष्ट्रियसभा सदस्य मृगेन्द्र सिंह यादवकी छोरी समेत रहेकी बबीले सप्तरी बोदेबर्साइनको एक विवाह समारोहमा पेस्तोल पड्काउदै डान्स गरेकी थिइन् ।
सामाजिक सञ्जालमा भाईरल भिडिओमा सिंहसँगै अन्य मानिसहरू पनि नाचिरहेको देखिन्छ । पेस्तोल पड्काउँदै नाचेको भिडिओ भाइरल भएपछि यसबारे सप्तरी प्रहरीले अनुसन्धान अगाडि बढाएको छ ।
उक्त भिडिओ कहाँको र कहिलेको हो भन्ने केही खुलिनसकेकोले यसबारे अनुसन्धान अघि बढाइएको जिल्ला प्रहरी कार्यालय सप्तरीका एसपी ढकेन्द्र खतिवडाले बताए । यसबारे सोधपुछको लागि सिंहलाई बोलाइएको उनले बताए ।
