काठमाडौं । च्याम्पियन्स लिग फुटबल अन्तरगत सेमिफाइनल खेलमा ईंग्लिश क्लब आर्सनलले हार ब्यहोरेको छ ।
गएराति भएको पहिलो लेगको खेलमा आर्सनल फ्रेन्च क्लब पेरिस सेन्ट जर्मेन (पिएसजी)सँग ०-१ गोलले स्तब्ध बनेको हो ।
घरेलु मैदान एमिरेट्समा खेलको चौंथो मिनेटमा नै आर्सनलले गोल खान पुग्यो । पिएसजीका ओस्मान डेम्बेलेले गोल गर्दै टोलिलाई सुरुवाती अग्रता दिलाएका हुन् ।
५० औं मिनेटमा आर्सनलले बराबरी गोल फर्काए पनि भिएआरले गोल रद्द गरिदियो । आर्सनलका मेरिनोले गोल गरेपनि उनी अफसाइड हुन पुगे ।
अब दोस्रो लेगको खेल अर्को हप्ता पिएसजीको घरेलु मैदानमा हुनेछ । पिएसजीलाई घरेलु समर्थकका साथ १-० को एग्रीगेटको फाइदा हुनेछ ।
