काठमाडौं । कोपा डेल रेको उपाधि बार्सिलोनाले जितेको छ । केहिबेर अघि सम्पन्न फाइनल खेलमा चिर प्रतिद्वन्द्वी रियल मड्रिडलाई ३-२ गोलले हराउँदै बार्सिलोना च्याम्पियन बनेको हो ।
स्टेडिओ ला कार्टुजामा भएको रोमाञ्चक खेलमा निर्धारित समयसम्म बराबरी भएपछि खेल अतिरिक्त समयमा धकेलिएको थियो । २८ औं मिनेटमा पेड्रीले गोल गर्दै बार्सिलोनालाई सुरुवाती अग्रता दिलाएका थिए ।
७० औं मिनेटमा किलियन एमबाप्पेले गोल फर्काउँदै रियललाई १-१ को बराबरीमा ल्याए । ७७ औं मिनेटमा औरेलिन चौमेनीले गोल गर्दै रियललाई २-१ ले अघि बढाए । यता ८४ औं मिनेटमा फेरान टोरेसले गोल गर्दै बार्सिलोनालाई २-२ को बराबरीमा ल्याए । त्यसपछि खेल अतिरिक्त समयतर्फ धकेलियो ।
जुलेस कुन्डेले ११६ औं मिनेटमा गोल गर्दै बार्सिलोनालाई उपाधि दिलाए । खेलको अन्तिममा रियलका चार खेलाडीले रातो कार्ड खान पुगे । भिनिसियस जुनियर, जुड बेलिङ्हम, लुकास भाजक्वेज र एन्टोनी रुडिगरले रातो कार्ड खाएका हुन् । सर्वाधिक सफल टोलि बार्सिलोनाको यो ३२ औ उपाधि हो ।
