काठमाडौँ: पूर्वराजा ज्ञानेन्द्र शाहले भारतको जम्मु–कश्मीरमा भएको आतंकवादी हमलाको निन्दा गर्नुभएको छ । पूर्वराजा शाहले शनिबार समवेदना सन्देश जारी गर्दै विश्व र समग्र हिन्दु समुदायलाई नै मर्मान्त पार्न भएको उक्त घटनाको जति निन्दा गरे पनि कम हुने जनाउनु भएको छ ।
पूर्वराजा शाहले जारी गर्नुभएको बिज्ञप्तिमा भनिएको छ ‘वसुधैव कुटुम्बकम्को आदर्श अवलम्बन गर्ने सनातनी वैदिक हिन्दु धर्मालम्वीहरुको दिव्य मानवीय मान्यता हो। त्यो मान्यताविपरीत यस प्रकारका जघन्य अपराध गर्नु गराइनु सर्वथा धर्म निषिद्ध पाप कर्म हो भन्ने हामी ठान्दछौँ ।’
’सम्पूर्ण विश्व क्षेत्र र समग्र हिन्दु समुदायलाई नै मर्मान्त पार्न भएको यस्ता घटनाको जति निन्दा गरे पनि थोरै हुन्छ। त्यस्तो घटनाको विश्वव्यापी भत्सना हुनु पर्दछ र सबैबाट निन्दा गरिनुपर्छ भन्ने हाम्रो धारणा छ।’ बिज्ञप्तिमा उल्लेख छ ।
आतंककारी आक्रमणका कारण हिन्दु यात्रीहरुको निधन भएकोमा आफूलाई दु:ख लागेको जनाउदै उहाँले घटनामा ज्यान गुमाउने नेपाली नागरिकसहित सबैप्रतिश्रद्धाञ्जलि व्यक्त गर्नुभएको छ ।
उहाँले भारत सरकारप्रति पनि सहानुभूति व्यक्त गर्नुभएको छ ।
