काठमाडौं । सञ्चारिका समूह नेपालको अध्यक्षमा कमला पन्थी निर्वाचित भएकी छन् । हिजो भएको समूहको ९ औं महाधिवेशनले अध्यक्ष र ५ पदाधिकारीसहित ८ जना केन्द्रीय सदस्य निर्वाचित गरेको हो ।
समूहको महासचिवमा भने राधा खनाल सर्वसम्मतिले चयन भइन् । उपाध्यक्षमा बसन्ती बास्तोला, सचिवमा उर्वशी बस्न्यात र कोषाध्यक्षमा साजना तामाङ निर्वाचित भएका छन् ।
यसैगरी केन्द्रीय सदस्यहरूमा कालिका शिवाकोटी, कल्पना शर्मा, अजवी पौड्याल, दीपा रेग्मी, तारा चापागाईं, देवी सापकोटा, विष्णु पन्थी र सम्झना वन निर्वाचित भएका छन् ।
