काठमाडौँ । जिल्ला अदालत काठमाडौँले मेडिकल व्यवसायी दुर्गा प्रसाईंलाई १२ दिन हिरासतमा राख्न अनुमति दिएको छ ।
तीनकुने घटनाका मुख्य कमाण्डर प्रसाईंलाई १२ हिरासतमा राखेर अनुसन्धान गर्न प्रहरीले अनुमति पाएको हो ।
झापाको भद्रपुरबाट नियन्त्रणमा लिई आवश्यक अनुसन्धानका लागि उनलाई आजै काठमाडौँ ल्याइएको थियो ।
प्रसाईं पूर्वराजावादीहरूले यही चैत १५ गते काठमाडौँको तीनकुनेमा गरेको हिंसात्मक प्रदर्शनमा सङ्लग्न रही राज्यविरुद्ध र सङ्गठित अपराधसम्बन्धी कसूर गरेको आरोपमा पक्राउ परेका हुन् ।
