काठमाडौँ । मलद्वारमा सुन लुकाएर ल्याउने एक भारतीय नागरिकलाई सुनसहित त्रिभुवन अन्तर्राष्ट्रिय विमानस्थलमा पक्राउ गरिएको छ । आइतबार नेपाल एयरलाइन्सको जहाजमा दुबईबाट काठमाडौँ आएका भारतीय नागरिक शुभभ मेहरालाई प्रहरीले पक्राउ गरेको हो ।
उनले एक किलो २६८ ग्राम सुन मलद्वारमा लुकाई ल्याएका थिए । सुनलाई उनले दुईवटा प्लास्टिकमा राखेर पोको बनाई मलद्वार लुकाएर ल्याएको प्रहरीले जनाएको छ । प्रहरीले बरामद गरेको सो सुनको मूल्य करिब एक करोड आठ लाखको रहेको बताइएको छ ।
