काठमाडौँ । राष्ट्रिय स्वतन्त्र पार्टी (रास्वपा)को केन्द्रीय शिक्षा विभागले शिक्षा ऐन नबन्नु लज्जास्पद विषय भएको टिप्पणी गरेको छ ।
बुधबार एक विज्ञप्ति जारी गर्दै रास्वपाले संविधान बनेको लामो समयसम्म पनि शिक्षा ऐन नबन्नु लज्जास्पद भएको धारणा सार्वजनिक गरेको हो ।
‘संविधान बनेको यतिका वर्षसम्म पनि शिक्षा ऐन नबन्नु लज्जास्पद छ । सरकार आफैंले बनाएको उच्चस्तरीय शिक्षा आयोग, २०७५ को प्रतिवेदन लुकाएर पनि शिक्षा ऐन निर्माणलाई पर धकेल्ने कार्य भयो’ विभाग प्रमुख एवं सहमहामन्त्री सुमना श्रेष्ठले जारी गरेको विज्ञप्तिमा भनिएको छ ।
यस्तै, रास्वपाले गुणस्तरीय शिक्षाका लागि शिक्षकहरूको भूमिका महत्त्वपूर्ण रहेको भन्दै यसमा पार्टीको फरक मत नरहेको पनि स्पष्ट पारेको छ ।
