काठमाडौँ । इंग्लिस प्रिमियर लिग फुटबल अन्तर्गत शीर्षस्थानको लिभरपुलले हार ब्यहोरेको छ । आइतबार साँझ सम्पन्न खेलमा लिभरपुल फुलहमसँग ३–२ गोलले स्तब्ध बनेको हो ।
फुलहमको घरेलु मैदान कार्भेन कटेजमा खेलको १४ औं मिनेटमा म्याक एलिस्टरले गोल गर्दै लिभरपुललाई सुरुवाती अग्रता दिलाएका थिए । २३ औं मिनेटमा र्यान सेसेग्ननले गोल गर्दै फुलहमलाई १–१ को बराबरीमा ल्याए ।
३२ औं मिनेटमा एलेक्स इओवीले तथा ३७ औं मिनेटमा रोड्रिगो मुनिजले गोल गरेपछि घरेलु टोलिले पहिलो हाफमा ३–१ को अग्रता दिलाए । यता, ७२ औं मिनेटमा लुइस डियाजले गोल फर्काउँदै लिभरपुललाई २–३ को अवस्थामा ल्याए ।
अन्तिमसम्म लिभरपुलले गोल गर्ने प्रयास गरेपनि सफल भएन र हार ब्यहोर्यो । शीर्षस्थानको लिभरपुलको ३१ खेलबाट ७३ अंक छ । फुलहम ४८ अंकका साथ आठौं स्थानमा छ ।
