२ बैशाख २०८२, मंगलवार
April 15, 2025 Tuesday

25.27°C

काठमाडौं

25.27°C

Kathmandu

Feels-like: 24.79

Wind: 2.06

Humidity: 36

Latest
सलमान खानलाई ‘घरमै घुसेर मार्छु’ भनी धम्की दिने व्यक्ति पक्राउ पुटिन युक्रेनसँग ‘स्थायी शान्ति’ सम्झौताका लागि तयार: ट्रम्पका दूत सुनचाँदीको मूल्य घट्यो पञ्जाब किंग्सलाई ठूलो झट्का, स्टार खेलाडी आइपीएल २०२५ बाट बाहिरिए ब्याटिङमैत्री पिचमा आज पञ्जाब र कोलकाता भिड्दै, धेरै रन बन्ला ? विचौलियाहरुको पहुँच प्रधानमन्त्रीको बेडरुमसम्म छः महामन्त्री थापा सुनको मूल्य प्रतितोला १७०० रुपैयाँले घट्यो, कतिमा हुँदैछ कारोबार ? गैँडाको शून्य चोरीसिकार पाँच सय दिन कट्यो सिन्दुर खेलेर भक्तपुरमा मनाइयो सुथसिया जात्रा भोजपुरको वैकुन्ठेमा सुन्तला, कागती फलफूल सिकाइ केन्द्र स्थापना
तपाईं के खोज्दै हुनुहुन्छ ?

ट्राफिक प्रहरीलाई अग्नि नियन्त्रण तथा उद्धार प्रशिक्षण



अ+ अ-

भैरहवा। जिल्ला ट्राफिक प्रहरी कार्यालय रुपन्देहीले अग्नि नियन्त्रण र उद्धारसम्बन्धी प्रशिक्षण कार्यक्रम सम्पन्न गरेको छ । आज गौतमबुद्ध अन्तरराष्ट्रिय विमानस्थल नागरिक उड्डयन कार्यालय भैरहवासँगको समन्वयमा अग्नि नियन्त्रण तथा उद्धारका लागि सैद्धान्तिक र प्रयोगात्मक प्रशिक्षण गरिएको हो ।

विपद् जोखिम तथा व्यवस्थापन एउटा आपत्कालीन विषय हो । प्राकृतिक र गैरप्राकृतिक विपद्का रूपमा हुने आगलागीलाई नियन्त्रणका साथै उद्धारका उपायका विषयमा प्रशिक्षण गरिएको हो”, जिल्ला ट्राफिक प्रहरी कार्यालय रुपन्देहीका प्रमुख प्रहरी निरीक्षक रन्जु केसीले भन्नुभयो । तालिमको उद्देश्य ट्राफिक प्रहरीलाई विपद्को समयमा राहत तथा उद्धार कार्यमा दक्ष बनाउने रहेको उहाँको भनाइ छ ।

गौतम बुद्ध अन्तरराष्ट्रिय विमानस्थल नागरिक उड्डयन वारुणयन्त्रसम्बन्धी विज्ञ प्रेमबहादुर चन्दले प्रशिक्षार्थीलाई आगलागीको समयमा अग्नि नियन्त्रण गर्ने उपायका साथै उद्धारका सैद्धान्तिक र प्रयोेगात्मक विषयमा प्रशिक्षण गर्नुभएको जिल्ला ट्राफिक प्रहरी कार्यालयको सूचना शाखाले जनाएको छ ।

ट्राफिक प्रहरीले आन्तरिक वा बाहिर क्षेत्रमा आकस्मिक आगलागी भएमा अग्नि नियन्त्रणका लागि कस्ता सामग्रीको कसरी प्रयोग गर्ने र निभाउने भन्नेबारे उहाँले जानकारीसहित प्रस्तुति दिनुभएको थियो ।

कार्यक्रममा आगलागी नियन्त्रण, उद्धार गर्दा अपनाइने विधि प्रदर्शन गर्नुका साथै आगलागी भएमा कसरी निभाउने भन्ने विधि सिकाइएको थियो । अग्नि नियन्त्रण र उद्धारको अभ्यासका लागि जिल्ला ट्राफिक प्रहरी कार्यालय मातहतका ३० जना प्रहरीको सहभागितामा तालिम सञ्चालन गरिएकोे नागरिक उड्डयन कार्यालय भैरहवाले जानकारी दिएको छ । रासस