काठमाडौं । राजतन्त्रको पक्षमा वकालत गर्दै आएको राष्ट्रिय प्रजातन्त्र पार्टीले आज काठमाडौंमा प्रदर्शन गर्ने भएको छ ।
राप्रपाले चैत १५ गते तीनकुनेमा भएको हिंसात्मक घटनाको निष्पक्ष छानबिनको माग गर्दै दिउँसो सवा १२ बजे प्रदर्शन गर्न लागेको हो । राप्रपाले वरिष्ठ उपाध्यक्ष रविन्द्र मिश्र र महामन्त्री धवलशमशेर जबरालगायतलाई निसर्त रिहा गर्न माग गरेका छन् ।
राप्रपाले आजको प्रदर्शनलाई निहत्था नागरिकमाथि सरकारद्वारा भएको हत्या, दमन र गिरफ्तारीविरुद्धको भनेको छ ।
यसअघि चैत १५ गते राजावादीहरुले तीनकुनेमा गरेको प्रदर्शन हिंसात्मक बनेको थियो । आजको प्रदर्शन भने शान्तिपूर्ण हुने राप्रपालले जनाएको छ ।
