काठमाडौं । काठमाडौंको तीनकुनेस्थित एक घरमा जलेर एक पत्रकारको मृत्यु भएको छ ।
तीनकुने स्थित सो भवनमा आज दिउँसो आन्दोलनका क्रममा राजावादीले आगजनी गरेका थिए । सो भवनमा प्रहरी बसेको आरोपसहित आगो लगाइएको थियो । आन्दोलनकारीले आगो लगाएको उक्त भवनमा एभिन्यूज टेलिभिजनका फोटो पत्रकार सुरेश रजकको जिउँदै जलेर ज्यान गएको छ ।
फोटो पत्रकार रजक सो भवनको छतबाट दृश्य खिचिरहेका बेला आगलागीमा परेका थिए । उक्त भवनमा प्रहरी बसेको आरोप लगाउँदै राजावादी प्रदर्शनकारीले भवनमा आगो लगाएका थिए, जसका कारण उनी जिउँदै जलेका हुन् ।
आगलागीपछि भवनबाट उनको जलेको शव फेला परेको छ । उनको शव नचिनिने अवस्थामा फेला परेको प्रहरीले जनाएको छ ।
