काठमाडौं । राजावादीहरुको आजको आन्दोलन अराजक बनेपछि प्रधानमन्त्री केपी ओलीले आज राति ८ बजे मन्त्रिपरिषदको आकस्मिक बैठक बोलाएका छन् ।
सो बैठक पनि आजको आन्दोलनका बारेमा केन्द्रित हुने बताइएको छ । आजको आन्दोलनमा राजावादीहरुलाई उक्साउने काममा पूर्व राजा ज्ञानेन्द्र स्वयं र आन्दोलनको कमाण्डर तोकिएका दुर्गा प्रसाईंको हात रहेकाले उनीहरुलाई दोषी ठहर गरेर कारबाही गर्नुपर्ने चर्चा चलिरहेका बेला प्रधानमन्त्रीले आज रातिका लागि मन्त्रिपरिषदको बैठक आह्वान गरेका छन् ।
