काठमाडौँ। राजावादी भनिएका प्रदर्शनकारीहरुले पेप्सीकोलातर्फ जाने चोकमा रहेको जडिबुटी कारखानामा नै आगो लगाएका छन् ।
तीनकुनेमा हिंसात्मक प्रदर्शन गरेपछि तितरवितर भएका प्रदर्शनकारीले जडिबुटी पुगेर जडिबुटी कम्पनी लिमिटेडमा पुगेर आगो लगाएका थिए । सो कम्पनीको परिसरमा आगो लगाउँदा ग्यारेजमा रहेका आधा दर्जन सवारी साधन जलेर नष्ट भएका छन् ।
अहिले प्रहरी पुगेको छ र आगो नियन्त्रणमा लिने प्रयास गरिरहेको छ । राजावादीहरुले आज मेडिकल व्यवसायी दुर्गा प्रसाईंको आह्वानमा काठमाडौँको तीनकुनेमा प्रदर्शन र सभाको आयोजना गरेका थिए । तर उनीहरु अराजक बन्दै निजी घर सम्पत्ति, पार्टी कार्यालयहरुमा आगजनी गरेका छन् भने उनीहरुले प्रहरीमाथि आक्रमण गरेका छन् ।
