सुनसरी । इटहरी बजारको मुख्यचोकमा रहेको १० तले व्यावसायिक भवनमा भएको आगलागीमा फसेका १६ जनाको सकुशल उद्धार गरिएको छ ।
आगलागिमा फसेमा ११ पुरुष र ५ महिला गरी १६ जनाको सकुशल उद्धार गरिएको सशस्त्र प्रहरी बलका सहप्रवक्ता तथा डीएसपी शैलेन्द्र थापाले जानकारी दिए ।
आगो लागेको सूचना पाउनासाथ नेपाली सेना, सशस्त्र प्रहरी बल, नेपाल प्रहरीसहित स्थानीय बासिन्दा उद्धार कार्यमा जुटिरहेका छन् ।
बिहान करिब ९ः३० बजे भवनको पाँचौँ तलामा आगो लागेको थियो । भवनमा फसेका मानिसहरुलाई डोरीको सहायताबाट बाहिर ल्याउने काम भइरहेको छ ।
उक्त प्लाजामा अझै केही व्यक्ति फसेको आशंका गरिएको छ ।
