काठमाडौँ । ‘राजसंस्था पुनर्स्थापनाका लागि संयुक्त जनआन्दोलन समिति’ले चैत १५ गते काठमाडौँमा जनप्रदर्शन गर्ने घोषणा गरेको छ ।
नवराज सुवेदी नेतृत्वको समितिले मंगलबार एक विज्ञप्ति जारी गर्दै उक्त घोषणा गरेको हो ।
संयोजक सुवेदीले नेपाल विशिष्ट राजनीतिक संक्रमणको घडीबाट गुज्रिरहेको जिकिर गर्दै देशभक्त, राजसंस्थावादीहरू एकतावद्ध भएर अघि बढ्नु पर्ने अवस्था आएको बताउदै सम्पूर्ण राजसंस्थावादी, हिन्दू अधिराज्यवादी तथा सङ्घीयता विरोधी आम सर्वसाधारण, राजनीतिक पार्टी र समूहहरूलाई साथ, सहयोग र समर्थनका लागि आह्वान गरेका छन् ।
सोही दिन समाजवादी मोर्चाले पनि काठमाडौँमा राजावादीको गतिविधिविरुद्ध प्रदर्शन गर्ने तयारी गरेको छ ।
