काठमाडौं । सरकारद्धारा नेपाल विद्युत् प्राधिकरणको कार्यकारी निर्देशकबाट हटाइएका कुलमान घिसिङ अदालत जाने भएका छन् ।
आज बसेको मन्त्रीपरिषद्को बैठकले घिसिङलाई हटाउने निर्णय गरेको थियो । सरकारले उनलाई हटाएर प्राविधिकरणकै निवृत्त कर्मचारी हितेन्द्र देव शाक्यलाई नियुक्त गरेको थियो । उनले सरकारको यो निर्णय विरुद्ध सर्वाेच्चमा रिट दिने भएका छन् । यो कुराको जानकारी उनले आफ्नो सचिवालयका सदस्यहरुलाई दिएका छन् ।
उनको एक सचिवालयका एक सदस्यले भने‐ उहाँ अदालत जानुहुन्छ । सरकारले हटाउँछ भन्ने कुरा हामीलाई थाहा नै थियो । हामी त्यो तयारीमा नै थियौँ । उनको कार्यकाल २०८२ साउन २४ सम्म थियो । आफूले पूर्ण कार्यकाल नै रहन पाउनुपर्ने माग सहित उनी अदालत जाने तयारी गरेका हुन् ।
