काठमाडौँ । सिंगापुरविरूद्धको अन्तर्राष्ट्रिय मैत्रीपूर्ण खेल खेल्ने नेपालको प्लेइङ–११ सार्वजनिक गरिएको छ ।
सिंगापुरको राष्ट्रिय रंगशालामा हुने खेल नेपाली समयअनुसार साँझ सवा ६ बजे सुरू हुनेछ । डिफेन्डर सुमन श्रेष्ठले पहिलो रोजाइमा खेल्दै डेब्यू गर्ने भएका छन् ।
नेपाली टोलीः किरण चेम्जोङ (कप्तान तथा गोलकिपर), सनिष श्रेष्ठ, सुमन श्रेष्ठ, अनन्त तामाङ, जिलेस्पीजंग कार्की, एरिक विष्ट, सुमित श्रेष्ठ, अञ्जन बिष्ट, आयुष घलान, मनिष डाँगी, रोहित चन्द
नेपालले सिंगापुरसँग ३६ वर्षपछि खेल्न लागेको हो ।
नेपालले सिंगापुरसँग अहिलेसम्म ३ अन्तर्राष्ट्रिय खेल खेल्दा सबै खेल गुमाएको छ । ३ खेलमा १२ गोल खाएको नेपालले सिंगापुरविरूद्ध कुनै गोल गर्न सकेको छैन ।
फिफा वरीयतामा सिंगापुर १६०औं तथा नेपाल १७५औं स्थानमा छन् ।
नेपाली टोलीले सिंगापुरसँग आज खेलेपछि मलेसिया जानेछ । मलेसियासँग नेपालले चैत १२ मा खेल्ने तय छ ।
