एजेन्सी। इन्डोनेसियाली विदेश मन्त्रालयले अनलाइन ठगीको शिकार भएका ४०० इन्डोनेसियाली नागरिक म्यानमाबाट घर फर्किएका एक विज्ञप्तिमार्फत जनाएको छ ।
मङ्गलबार थाइल्याण्डको डोन मुआङ अन्तर्राष्ट्रिय विमानस्थलबाट दुईवटा छुट्टाछुट्टै उडानमा बान्टेन प्रान्तको टाङ्गेराङस्थित सोएकर्नो–हट्टा अन्तर्राष्ट्रिय विमानस्थलमा आइपुगेका ३१३ पुरुष र ८७ महिला अनलाइन ठगी शिकारका पीडित भएका छन् ।
म्यानमाबाट निकालिएका ४०० इन्डोनेसियाली २१ प्रान्तबाट आएका थिए, जसमध्ये धेरैजसो उत्तरी सुमात्रा, बाङ्का बेलिटुङ, पश्चिम जाभा, जकार्ता र उत्तरी सुलावेसीका थिए ।
इन्डोनेसियाली अधिकारीहरूले थाइल्याण्ड र म्यानमाका आफ्ना समकक्षीहरूलाई स्वदेश फिर्ता गर्न सहजीकरण गर्न सहयोग गरे ।मन्त्रालयले म्यानमामा रहेका बाँकी १५४ अनलाइन ठगी शिकारका पीडितहरूलाई स्वदेश फिर्ता ल्याउन प्रयास भइरहेको बताएको छ ।रासस/सिन्ह्वा
