काठमाडौं । कोरोना संक्रमणबाट काठमाडौंमा थप एक जनाको मृत्यु भएको छ । ग्रिनसिटी अस्पतालबाट बिहीबार मात्र बलम्बुस्थित शसस्त्र प्रहरी अस्पतालमा लगिएका ७७ वर्षीय पुरुषको उपचारका क्रममा शुक्रबार मृत्यु भएको हो ।
अस्पताल स्रोतका अनुसार उनी साउन ३० गते सप्तरीको राजविराजबाट काठमाडौं आएका थिए ।
त्यही दिन वीर अस्पतालको प्रयोगशालामा स्वाब दिएका उनको रिपोर्ट ३२ गते पोजेटिभ आयो । त्यसयता ग्रिनसिटीमा रहेका उनको अवस्था गम्भीर भएपछि बिहीबार मात्र शसस्त्र प्रहरी अस्पताल लगिएको थियो ।
