काठमाडौँ। कवि कृशु क्षेत्री द्वारा लिखित पसिनाको क्यानभास कविता संग्रह “पसिनाको क्यानभास” पुस्तकमाथी अन्तर्क्रिया गर्दै कतारमा कृसु काव्य सन्ध्या सम्पन्न भएको छ ।
मुस्लिमहरुको पवित्र महिना रमजानको अबसर पारी नेपाली भाषा र साहित्यमा कलम चलाइरहेका कतारका अनेसास , नवोदित लगायत विभिन्न साहित्यिक संस्थामा आबद्द रकेका लेखक , बुद्दिजिवी तथा मुर्धन्य साहित्यकारहरुको संयुक्त बसाईमा कविता संग्रह “पसिनाको क्यानभासमा कवितामा चित्रित विविध आयामको चर्चा गरिएको छ ।
उक्त संग्रहमा प्रेम र यौनको प्रसंगमा कवि प्रेम भट्टराई र सीताराम थापाले चर्चा गरेका थिए भने वैदेशिक रोजगारीका सन्दर्भमा कविताले प्रकाश पारेका पक्षहरूको कवि तथा पत्रकार सुरेश भट्ट आश्रिनले समीक्षा गरेका थिए ।
अरबको प्रचलित महफ़िल शैलीमा आयोजित कृसु काव्य सन्ध्यामा कवि कृसुका चर्चित कविताहरू सृजनाबहस र वाचन गर्ने चर्चित साहित्यकारहरू प्रेम भट्टराई, सुरेश भट्ट आश्रिन, लीलानाथ कश्यप, शोभाराम ओली, सीताराम थापा, सोम थापा, नारायण निर्जल, चक्र कार्की, शिव सुवेदी , मणि पौडेल, श्यामराज रानाभाट, दिलीप पराजुली, पूर्णकान्छा गुरुङ र यादव रेग्मी लगायत सबैमा लेखक क्षेत्रीले कृतज्ञता व्यक्त गरेका छन् ।
