एजेन्सी । साउथ अभिनेत्री तमन्ना भाटिया लामो समयदेखि अभिनेता विजय वर्मालाई डेट गरिरहेकी थिइन् ।
तर, अहिले उनीहरु दुबैको ब्रेकअप भएको खबर बाहिर आएको छ । तमन्ना र विजय केही साताअघि अलग भएका थिए । यद्यपी यस विषयमा दुबै पक्षबाट आधिकारिक धारणा आएको छैन ।
पिंकभिल्लाका अनुसार तमन्ना र विजयले ब्रेकअपपछि साथी बन्ने निर्णय गरेका छन् । यद्यपि, यी दुई अझै पनि इन्स्टाग्राममा एकअर्कालाई फलो गर्छन् र उनीहरूको सोशल मिडिया ह्यान्डलहरूमा धेरै तस्विरहरू छन् ।
लस्ट स्टोरीज २ को सुटिङपछि विजय र तमन्नाको सम्बन्ध सुरु भएको थियो । सुटिङपछि र्यापअप पार्टी भएको थियो । त्यस क्रममा विजयले तमन्नालाई आफूसँग धेरै समय बिताउन चाहेको बताए । त्यसपछि करिब २०–२५ दिनपछि उनीहरुको पहिलो डेट भयो ।
तमन्ना आफ्नो व्यक्तिगत जीवनका कारण पनि चर्चामा छिन् । उनको नाम विराट कोहली र पाकिस्तानी क्रिकेटर अब्दुल रजाकसँग पनि जोडिएको छ ।
