काठमाडौं । नेकपा सचिवालयको बैठक आगामी १३ गते शनिबार बस्ने भएको छ ।
महासचिव विष्णु पौडेलको संयोजकत्वमा तयार भएको प्रतिवेदनमाथि आज मंगलबार बिहान अध्यक्षद्वय केपी शर्मा ओली र अध्यक्ष पुष्पकमल दाहालले प्रारम्भिक छलफल गरेपछि १३ गते ११ बजेका लागि बालुवाटारमा बैठक बोलाइएको हो ।
बैठकमा कार्यदलले बुझाएको प्रतिवेदन माथि छलफल हुनेछ । अध्यक्षद्वयसँगै आजको छलफलमा महासचिव विष्णु पौडेल र सचिवालय सदस्य जनार्दन शर्मा सहभागी हुनुभएको थियो ।
