बारा । कोरोना संक्रमणबाट बारामा थप दुई जनाको मृत्यु भएको छ । जिल्लाको महागढीमाई नगरपालिका वडा नम्बर–४ मल्हनीटोल बस्ने ५९ पुरुष तथा बिश्रामपुर गाउँपालिका वडा नम्बर–५ औरयाटोलका ७२ बर्षे अर्को पुरुषको मृत्यु भएको हो ।
बाराका प्रमुख जिल्ला अधिकारी रुद्रप्रसाद पण्डितका अनुसार मृतक दुई जना पुरुषमा पीसीआर रिर्पोट पोजिटिभ आएपछि उनिहरुलाई पर्साको नारायणी अस्पतालको अस्थायी कोभिड गण्डक अस्पतालमा भर्ना गरिएको र उपचारका क्रममा मंगलवार बिहान मृत्यु भएको बताए । योसँगै बारामा कोरोनाका कारणले १३ जनाको मृत्यु भइसकेको छ ।
