एजेन्सी। भिडियो कन्फरेन्सिङका लागि विगतमा निकै लोकप्रिय स्काइप (Skype) सेवा आगामी मे देखि बन्द गरिने भएको छ ।
माइक्रोसफ्टको स्वामित्वमा रहेको स्काइपलाई उसले सन् २०११ मा साढे आठ अर्ब डलरमा भित्र्याएको गरेको थियो ।समाचार अनुसार, सन् २०२१ जुलाईदेखि नै स्काइपलाई बन्द गरेर माइक्रोसफ्ट-टिम्सलाई अगाडि बढाउने गरी काम थालिएको थियो ।
टिम्सलाई विन्डोज ११ मा चलाउन सकिन्छ जसका नि:शुल्क र शुल्क सहितको इन्टरप्राइज भर्सन उपलब्ध छ ।भिडियो कन्फरेन्सिङमा प्रयोग हुने स्काइपको बजार हिस्सा सन् २०२० मा ३२ दशमलब ४ प्रतिशत रहेकामा २०२१ मा घटेर ६ दशमलब ६ प्रतिशतमा पुगेको थियो ।
सन् २०२० मार्चमा स्काइपका दैनिक सक्रिय प्रयोगकर्ता झण्डै चार करोड थिए तर अहिले झण्डै ३ करोड ६० लाखमा ओर्लिएको छ।तर माइक्रोसफ्ट टिम्सका प्रयोक्ता नाटकीय रूपमा तिब्र रूपमा वृद्धि भएको छ । स्रोतका अनुसार, सन् २०१९ मा १ करोड ३० लाख प्रयोक्ता रहेकामा सन् २०२४ मा ३२ करोड पुगेको छ ।
जुम, ह्वाट्सआप, गुगल मिट जस्ता च्याट टुल्सबीच तिब्र प्रतिस्पर्धा जारी छ ।
