मकवानपुर । पूर्व– पश्चिम लोकमार्गबाट प्रहरीले १२७ किलो लागू औंषध गाँजाको धुलोसहित एक जनालाई पक्राउ गरेको छ ।
पूर्व– पश्चिम लोकमार्ग सडकखण्डअन्तर्गत मकवानपुर मनहरी गाउँपालिका वडा नम्बर– ६ नयाँ बस्तीमा रोकी राखेको बा ७ च ७०१८ नंबरको सुमोमाथि चेकजाँच गर्ने क्रममा पछाडिको सिट मुनि लुकाई छिपाई राखिएको अवस्थामा लागू औषध गाँजा ३१ किलो ५६० ग्राम, अफिम ६ किलो १६० ग्राम र गाँजाको धुलो १२७ किलो ९४० ग्राम फेला परेको हो ।
प्रहरीले सुमो चालक सिन्धुपाल्चोक बाह्रबिसे नगरपालिका वडा नंम्बर ९ का ३८ वर्षका लाल बहादुर तामाङलाई पक्राउ गरेको छ । तामाङलाई काठमाडौंको जोरपाटीबाट पक्राउ गरिएको मकवानपुर प्रहरीले जनाएको छ ।
