काठमाडौं । चन्द्रागिरि हिल्स लिमिटेडले महाशिवरात्रिको अवसरमा केबलकार टिकटमा ५० प्रतिशत छुट दिने भएको छ ।
महाशिवरात्रिको अवसरमा आयोजना हुने महाआरतीलाई लक्षित गर्दै चन्द्रागिरि हिल्सले साँझ ४ बजेदेखि ६ बजेसम्मको केबलकार टिकटमा उक्त छुट दिन लागेको हो ।
यसका साथै महाशिवरात्रिको पूरै दिन भालेश्वर मन्दिर परिसरमा विशेष भक्तिमय भजन कार्यक्रम सञ्चालन हुने हिल्सले जनाएको छ ।
