एजेन्सी । लोकप्रिय हास्य कलाकार र बिग बोस १७ का विजेता मुनवर फारुकीविरुद्ध उजुरी परेको छ ।
अधिवक्ता अमिता सचदेवले नयाँ दिल्ली प्रहरीलाई इमेल पठाएर हास्यकलाकारमाथि अश्लीलता फैलाएको र धार्मिक भावनामा चोट पुर्याएको आरोप लगाएका छन् ।
अधिवक्ता अमिता सचदेवले सामाजिक सञ्जालमा पोस्ट गरेर गुनासोको बारेमा जानकारी दिएका छन् । उनले लेखेका छन् – ‘मुनवर फारुकीविरुद्ध उजुरी दर्ता भएको छ । जियो हटस्टारमा स्ट्रिम भइरहेको शो ‘हफ्ता बसुली’को लागि मैले अपराधी मुनवर फारुकी विरुद्ध उजुरी दायर गरेको छु ।’
केही समययता सो कार्यक्रमका धेरै क्लिप भाइरल भइरहेका छन्, जसमा मुनवर फारुकीले गालीगलौज र अश्लिल कमेन्ट गरेको देखिएको छ । धेरैले शोको आलोचना गर्दै प्रतिबन्ध लगाउन माग गरिरहेका छन् ।
