काठमाडौं । सहिद स्मारक ‘ए’ डिभिजन लिग फुटबल अन्तर्गत विभागीय टोली एपीएफले हिमालयन शेर्पा क्लबलाई पराजित गरेको छ ।
त्रिपुरेश्वरस्थित दशरथ रंगशालामा शुक्रबार भएको खेलमा एपीएफले १(० गोल अन्तरले शेर्पालाई हराएको हो ।
एपीएफलाई जित दिलाउन आवाश लामिछानेले निर्णायक गोल गरे ।
आवाशले पहिलो हाफको इन्जुरी समयमा गोल गरेका हुन् ।
जितसँगै एपीएफले ९ खेलमा १० अंक जोडेको छ भने शेर्पाले ९ खेलमा ११ अंक जोडेको छ ।
खेलको म्यान अफ दि म्याच एपीएफका नवीन लामा घोषित हुँदा इमर्जिङ प्लेयर एपीएफका स्कोरर आवाश चुनिए ।
