काठमाडौँ । तीर्थयात्री बोकेको बस धादिङमा दुर्घटना हुँदा एक जनाको मृत्यु भएको छ ।
भक्तपुरबाट चितवनको देवघाट तर्फ जाँदै गरेको बा ३ ख ८९२३ नं.को बस अनियन्त्रित भई धादिङको थाक्रे गाउँपालिका–७ सातकिलामा दुर्घटना हुँदा २३ जना घाइते भएका छन् । घाइते मध्ये ३ जनाको अवस्था गम्भीर रहेको छ ।
दुर्घटनामा परेर दोलखा भिरकोट गाउँपालिका बस्ने ५० वर्षीय पार्बती काफ्लेको मृत्यु भएको नेपाल प्रहरीले जानकारी दिएको छ । उनको नेपाल प्रहरी अस्पताल महाराजगन्जमा उपचारको क्रममा मृत्यु भएको हो ।
दुर्घटनामा घाईतेमध्ये १४ जनाको अवस्था मध्यम रहेको प्रहरीले जनाएको छ । यस्तै, सात जनाको अवस्था सामान्य रहेको छ । घाईतहरुको काठमाडौँस्थित बाँसबारी न्युरो अस्पताल, नेपाल प्रहरी अस्पताल महाराजगंज र ट्रमा सेन्टरमा उपचार भईरहेको प्रहरीले जनाएको छ ।
