काठमाडौँ । महिला टी–ट्वान्टी श्रृङ्खलाको अन्तिम खेलमा नेपालले नेपालले थाइल्यान्डलाई ८२ रनको लक्ष्य दिएको छ ।
त्रिवि मैदान कीर्तिपुरमा टस जितेर पहिला ब्याटिङ गरेको नेपालले ७ विकेट गुमाएर ८१ रन जोडेको हो ।
नेपालका लागि ओपनर सम्झना खड्काले सर्वाधिक १७ रन बनाइन् भने कविता जोशीले १४ रन बनाइन् । यस्तै राजमती ऐरीले ११ रन बनाउँदा कप्तान इन्दु बर्माले १० रनको योगदान दिइन् ।
जारी प्रतियोगितामा नेपाल पाँच खेलमा जीतविहिन छ । नेपाल पहिलो जितको खोजीमा रहँदा थाइल्यान्ड भने यो खेल जितेर उपाधि जित्ने लक्ष्यमा छ । थाइल्यान्डले पाँचमध्ये ४ खेल जितेको छ भने अर्को टोली नेदरल्यान्ड्सले ६ मध्ये ४ खेल जितेको छ ।
