काठमाडौँ । नेपाली कांग्रेसका प्रमुख सचेतक श्याम घिमिरेले जनता समाजवादी नेपालसहितको समर्थनमा सरकारले ल्याएका अध्यादेश संसदबाट पारित हुने दाबी गरेका छन् ।
बैठक बस्नुअघि बसेको संसदीय दलको बैठकपछि सञ्चारकर्मीहरूसँग कुरा गर्दै प्रमुख सचेतक घिमिरेले जसपा नेपालसँग कुरा मिलिसकेकाले जसपा नेपाल अध्यादेशको पक्षमा उभिने दाबी गरेका हुन् ।
‘प्रतिनिधिसभामा केही समस्या छैन । जसपा नेपालसहितको समर्थनमा अध्यादेश पारित हुन्छ,’ उनले भने ।
राष्ट्रिय सभाबाट पनि अध्यादेश पारित हुने उनको दाबी छ । ‘जसपा नेपालले समर्थन गर्छ । अध्यादेश राष्ट्रिय सभाबाट पनि पारित हुन्छ,’ उनले भने ।
