काठमाडौँ । राष्ट्रिय सभामा नेकपा (माओवादी केन्द्र)का सांसद जगप्रसाद शर्माले अध्यादेशभित्र सकारात्मक कुरा हुँदाहुँदै पनि नियत, प्रक्रिया र विधिमा त्रुटी रहेको बताउनुभएको छ ।
आईतवारको राष्ट्रिय सभा बैठकमा बोल्दै उहाँले यस्तो बताउनुभएको हो । उहाँले सरकारले अध्यादेश तत्काल फिर्ता लिनुपर्ने बताउनु भयो । उहाँले अध्यादेशहरु सकारात्मक रहेको भएपनि सकारात्मकताभित्र खतरनाक कुराहरु समावेश रहेको बताउनु भयो ।
उहाँले सुकुम्वासीहरुलाई जग्गा दिनेकुरा सकारात्मक रहेको भएपनि हदबन्दी फुकुवा गर्नेकुरा डरलाग्दो रहेको बताउनु भयो । भूमाफियाहरुको हातमा सरकार गएको महशुस आफूले गरेको बताउनु भयो ।
उहाँले भन्नुभयो, ‘यो अध्यादेशहरु भित्र कतिपय सकारात्मक कानून हुँदाहुँदै पनि नियत, प्रक्रिया र विधिका हिसावले यो गलत छ । सरकारले यो फिर्ता लिनुपर्छ । यो अध्यादेशभित्रका कानूनहरु सकारात्मक छन् । ति सकारात्मक कुराले खतरनाक कुरालाई ढाकछोप गरेका छन् । भूमि सम्बन्धीको कुरा सुकुम्वासीहरुलाई जग्गा दिनेकुरा ल्याइएको छ ।
सकारात्मक कुरा हो । तर हदबन्दी एक ढंगले फुकुवा गरेर जुन हिसावले सुकुम्वासीलाई जग्गा दिनेकुरा उठाइएको छ, साथै हदबन्दी फुकुवा गर्नेकुरा जे उठाइएको छ, त्यसले भूमाफियाहरुको हातमा यो सरकार गएको त होइन भन्ने प्रश्न उठाउन सकिन्छ ।’
सांसद शर्माले सुशासन, सामाजिक न्यायको बाटोबाट सरकार विचलित भएको आरोप लगाउनु भयो ।
