काठमाडौँ । प्रधानमन्त्री केपी शर्मा ओलीले सरकारको सबैभन्दा पहिलो प्राथमिकता थालेको काम सक्नु रहेको बताउनुभएको छ ।
सङ्घीय संसद्, प्रतिनिधिसभाको पाँचौ अधिवेशन प्रारम्भका अवसरमा बैठकलाई सम्बोधन गर्दै प्रधानमन्त्री ओलीले भन्नुभयो, ‘यो सरकार आउँदा धुलो उडिरहेको मुग्लीन–पोखरा सडक आज चिल्लो र आकर्षक भएको छ ।’
यस्तै, उहाँले जनता र संसद्को भरोसा र दृढताले भरिएको आत्मविश्वास लिएर आफू सदनमा उपस्थित भएको सगौरव उल्लेख गर्नुभयो ।
