काठमाडौँ । सङ्घीय संसद्को हिउँदे अधिवेशन सुरु भएको केहिबेरमै राष्ट्रिय स्वतन्त्र पार्टी (रास्वपा) का सांसदहरुले विरोध जनाएका छन् ।
सभामुख देवराज घिमिरे विषयबस्तुमा प्रवेश गर्दै गर्दा आफ्नो आसनबाट उठेर रास्वापाका सांसदले बैठक अवरोध गरेका हुन् ।
सभामुखले रास्वपाका सांसदलाई आफ्नो आसनमा बसेर बैठक सञ्चालन गर्ने वातावरण मिलाउन आग्रह गरेका छन् । उनले संसद बैठकको कार्यसूचीमै दलीय आधारमा बोल्न पाउने समय मिलाइएको भन्दै सोही क्रममा आफ्ना धारणा राख्न रास्वपाका सांसद आग्रह गरेका छन् ।
यसैबिच, सभामुखले आफ्नो आसनमा बसेर सभा सञ्चालनमा सहयोग गर्न आदेश समेत दिएका छन् ।
अहिले पनि रास्वपा सांसदहरुले उभिएर बिरोध जनाइरहेका छन् । संसद बैठक अघि बढ्न सकेको छैन ।
