काठमाडौं । नेकपा (माओवादी केन्द्र) निकट विद्यार्थी संगठन अखिल (क्रान्तिकारी)को महासचिवमा रोशन थापामगर निर्वाचित भएका छन् ।
यस अघि संगठनको सचिवको जिम्मेवारीमा थापामगर महासचिवमा निर्वाचित भएका हुन् । उनी पुल्चोक इन्जिनियरिङ क्याम्पसको स्ववीयु सभापति समेत थिए ।
थापामगर नेकपा (माओवादी केन्द्र)का उपमहासचिव जनार्दन शर्मा निकट मानिन्छन् । उपमहासचिव शर्मा अर्थमन्त्री रहदाँ उनी सचिवालयमा बसेर काम गरेका थिए ।
थापामगर महासचिवका ७ जना उम्मेदवारलाई पछि पार्दै विजयी भएका हुन् ।
महासचिवमा थापामगरसँगै तिर्सना हमाल, पदमप्रसाद काफ्ले, प्रतिक कार्की, शिब बस्नेत, श्यामबहादुर रोक्का, संजयकुमार महतो र सञ्जिव फुयाल प्रतिस्पर्धामा थिए ।
