काठमाडौँ । मंगलबार भएको तेस्रो टी–२० खेलमा भारत इंग्ल्याण्डसँग २६ रनले पराजित भएको छ ।
राजकोटमा भएको खेलमा इंग्ल्यान्डबाट भारतले १७२ रनको लक्ष्य पाएको थियो तर भारतीय ब्याट्सम्यानले २० ओभरमा ९ विकेट गुमाएर १४५ रन मात्रै बनाउन सके ।
भारतले ८ ओभरमा ६८ रनमा ४ विकेट गुमाएको थियो । यहाँबाट रन रेट अत्यन्त सुस्त बन्यो, टोलीले अर्को ६ ओभरमा २२ रन मात्र बनाउन सके, जुन हारको सबैभन्दा ठूलो कारण बन्यो ।
हार्दिक पाण्ड्याले ३५ बलमा ४० रन, वासिङ्टन सुन्दरले १५ बलमा ६ रन र अक्षर पटेलले १६ बलमा १५ रन बनाए ।
तेस्रो टी–२० जितेर इंग्ल्याण्डले सिरिज बचाएको छ । सिरिजमा भारत अझै २–१ ले अगाडि छ । चौथो खेल ३१ जनवरीमा पुणेमा हुनेछ ।
